Қатар мундиалидаги илк учрашувида Англия терма жамоаси Эрон билан куч синашди ва учрашувнинг биринчи таймидаёқ учта гол киритилди. Учрашувнинг иккинчи бўлимида британияликлар яна учта гол уришди, аммо уйғонган Эрон икки бор рақиб дарвозасини ишғол қилди. Ҳар икки голга “Порту” ҳужумчиси Меҳди Тареми муаллифлик қилди.
У ўзининг иккинчи голини қўшиб берилган вақтнинг энг охирида белгиланган пенальтидан киритди ва маълум бўлишича, бу гол учрашувнинг 103 дақиқасида киритилди. Бу жаҳон чемпионатлари тарихидаги урилган энг кеч гол бўлди.
