"Барселона" ва Испания терма жамоаси чап қанот ҳимоячиси Хорди Альба яна клубдан кетиши ҳақидаги миш-мишларга изоҳ берди.

Ёзда ОАВ 33 ёшли латерални "Интер"га ўтиши билан боғлашди, футболчининг ўзи эса буни рад этди. Альбанинг сўзларига кўра, унинг январда кетиши ҳақидаги миш-мишлар ҳам ҳақиқатдан йироқ.

"Менинг "Барселона" билан 2024 йилгача шартномам бор ва буни охиригача ҳал қила олишимга ишонаман. Менинг виждоним тоза, ҳурматга лойиқман, деб ҳисоблайман, лекин матбуотда мен ҳақимда ёзилганларнинг ҳаммасини назорат қила олмайман. Қачонки клуб мендан ёрдам сўраса, мен рад этмадим, чунки мен шу рангларга содиқман", - деди испаниялик футболчи Cadena Cer нашрига берган интервьюсида.