Уэльс терма жамоаси етакчиси Гарет Бэйл АҚШга қарши ўйин ҳақидаги фикрлари билан ўртоқлашди.
"Ажойиб жамоавий иш, айниқса иккинчи бўлимда. Биз сабрли ва қатъиятли эдик, бу эса ўйинга қайтишимизга имкон берди. Биз бундан фахрланамиз, лекин, албатта, устида ишлашимиз керак бўлган нарсалар бор.
Танаффусда бир қатор тактик ўзгаришларни амалга оширдик, бу ўз самарасини берди. Мураббий ўзининг бу борада қанчалик яхши эканини кўрсатди, футболчилар эса қўлларидан келганча ҳаракат қилишди ва характер кўрсатишди", - дея BBC Бэйлнинг сўзларидан иқтибос келтиради.
