"Палмейрас" ҳужумчиси Эндрик "Реал"га ўтишга яна бир қадам яқинлашди.
Diario AS нашри хабарига кўра, футболчининг вакиллари тез орада "қироллик клуби" раҳбариятининг шахсий таклифига биноан Испания пойтахтига ташриф буюришади.
16 ёшли Эндрик Бразилия чемпионатидаги ўйинлари билан Европанинг кўплаб топ-клублари эътиборини тортди. Эндрикнинг хизматларига "Реал"дан ташқари Лондоннинг "Челси" ва Франциянинг "ПСЖ" клублари ҳам қизиқиш билдирмоқда.
Эслатиб ўтамиз, аввалроқ ҳужумчининг ўзи оиласи учун энг яхши шароитларни яратиб берадиган клубга ўтиш нияти борлигини малум қилганди.
