Бразилия терма жамоаси ҳужумчиси Винисиус Жуниор Қатарда бўлиб ўтаётган жаҳон чемпионати “G” гуруҳи 1-тури доирасидаги Сербия устидан қозонилган ғалаба (2:0) ҳақида фикр билдирди.
“Дебютимиздан жуда мамнунмиз. Мен бу ерга келишимни 22 йил кутганман. Иш кўп, орзулар кўп эди. Жамоага ёрдам бера олганимдан хурсандман. Олдинда бизни олтита финал кутиб турибди. Ришарлисоннинг дубли? Мен у учун жуда хурсандман. Бунинг учун биргаликда кўп ишлаймиз. Мен у билан кийиниш хонасида гаплашиб, бизда бироз вақт бор, у гол уриши кераклигини айтдим. Ришарлисон бизга ёрдам бериш учун шу ерда ва у ҳар доим буни қилишга тайёр”, - дейди Винисиус Globo нашрига.
