Криштиану Роналду эркин агентлар рўйхатида турибди - ўтган куни унинг «Манчестер Юнайтед» билан шартномаси бекор қилинди.
Ўшандан бери миш-мишлар мунтазам равишда португалияликни турли клублар билан боғлаб турмоқда.
Veja хабарига кўра, Роналдуга янги даъвогар пайдо бўлган. Бразилиянинг «Фламенго» клуби 37 ёшли ҳужумчи билан шартнома имзолаш борасида музокараларни бошлашга тайёрланмоқда.
Аввалроқ Криштиану Роналдуга Саудия Арабистони клубларидан молиявий жиҳатдан жозибадор таклифлар борлиги хабар қилинганди.
Криштиану Роналду февраль ойида 38 ёшга тўлади. Айни дамда transfermarkt портали мутахассислари ҳужумчини 20 миллион еврога баҳоламоқда.
