"Барселона" ҳимоячиси Жорди Альба клуб ташаббуси билан жамоа ўртасидаги шартномасини бекор қилиши мумкин, деб хабар беради Mundo Deportivo.

Манбанинг хабарига кўра, "Барселона" раҳбарияти ҳамон футболчиларнинг маошига сарфланадиган харажатларни камайтиришни мақсад қилган. Ҳимоячи Жерар Пике фаолиятини якунлаганидан ва ярим ҳимоячи Серхио Бускетснинг кетиши эҳтимолидан сўнг, кейинги қадам Хорди Альба билан шартномани бекор қилишдир.

Ҳимоячи қишда жамоа раҳбарияти билан учрашиб, мавсум охирида шартномани бекор қилишни муҳокама қилади. 33 ёшли Альбанинг амалдаги шартномаси 2024 йилнинг ёзида якунига етади. Футболчи “Барселона” сафида 441 та ўйин ўтказиб, 25 та гол урди ва 95 та голли узатмани амалга оширган. У каталонияликлар билан 15 та совринни қўлга киритди.