Аргентина терма жамоаси ҳужумчиси Анхель Ди Мария ЖЧ-2022 гуруҳ босқичи доирасидаги Мексикага (2:0) қарши ўйин натижаларини сарҳисоб қилди.
“Бугун биз одамларга, ўзимизга ва оиламизга қувонч бағишлай олдик. Биз ҳар доимгидек бор имкониятимизни ишга солишда давом этамиз.
Яхшиямки, бугун шундай бўлди ва бу ҳамма учун хотиржамлик келтирди. Биринчи ўйин биз кутгандек ўтмади.
Ўйлайманки, биз ажойиб рақибга қарши ажойиб ўйин ўтказдик. Биз бу осон ўйин бўлмаслигини билардик", - дея Ди Мариянинг сўзларини келтиради Аргентина терма жамоаси матбуот хизмати.
