Футбол бўйича Франция терма жамоаси Қатарда бўлиб ўтаётган жаҳон чемпионати гуруҳ босқичи 2-тури доирасидаги ўйинда Дания терма жамоасини 2:0 ҳисобида мағлуб этди.
Франция ўз тарихида биринчи марта жаҳон чемпионатида кетма-кет олтита ўйинда ғалаба қозонди. Охирги марта 2010 йилда Испания терма жамоаси бундай натижа қайд этган.
6 очко жамғарган Франция терма жамоаси “D” гуруҳида биринчи ўринни эгаллаб турибди. Амалдаги жаҳон чемпионлари биринчи бўлиб 1/8 финалга йўлланмани қўлга киритишди.
Гуруҳ босқичининг сўнгги турида французлар 30 ноябрь куни Тунисга қарши баҳс олиб боришса, шу куни данияликлар Австралия термаси билан тўқнаш келишади.
