"Тоттенҳэм" клуби ярим ҳимоячиси Гарет Бэйл "Ливерпуль"га қарши кечган ўртоқлик учрашувида жароҳат олиб анча вақтга қадар сафдан чиққанидан хабарингиз бор. Бэйл унга жароҳат етказган "Ливерпуль" ярим ҳимоячиси Чарли Адамни қўрқоқликда ва номардликда айблаб чиқди.
"Мен унинг майдондаги ҳаракатларини кўриб шунга амин бўлдимки, у ҳақиқий номард экан. У эркакча иш қилмади. Ўртоқлик ўйинида ким шундай иш қилади. Албатта, ҳеч ким. У эса нима қилди?"
"Чарли аввал ҳам менга мана шундай жароҳат етказган. Ўшанда ҳам 3 ой сафдан чиққан эдим. Бу сафар ҳам аҳволим яхши эмас", дейди Гарет Бэйл Goal.com нашрига берган интервьюсида.