28 ноябрь куни жаҳон чемпионати гуруҳ босқичининг 2-туридан ўрин олган сўнгги ўйинлар бўлиб ўтади. Баъзи жамоалар плей-офф босқичига эрта чиқиш имкониятига эга бўлса, бошқалари эса бу имкониятни қўлдан чиқариши мумкин. Биз Қатардаги бугунги ўйин кунида қандай воқеалар бўлиши мумкинлигини кўриб чиқамиз.
"G" гуруҳи
Ким плей-оффга чиқиши мумкин
Бразилия: Беш карра жаҳон чемпиони Швейцарияни, Камерун эса Сербияни мағлуб этмаса, 1/8 финал йўлланмасини нақд қилади.
Швейцария: Мурат Якин шогирдлари Бразилияни мағлуб этса, гуруҳ босқичи якунига бир тур қолганда плей-оффга йўл олади, Сербия эса Камерун билан учрашувда уч очко ололмаслиги керак бўлади.
Ким муддатидан олдин плей-оффга чиқишнинг барча имкониятларини йўқотиши мумкин
Камерун: Африкаликлар Сербияга ютқазса плей-оффга чиқа олмаслиги аниқ бўлиб улгуради.
Сербия: Драган Стойкович жамоаси Камерунга ютқазса, 1/8 финалга чиқиш имкониятини йўқотади, бу вазиятда Швейцариядан очко олиши керак бўлади.
"H" гуруҳи
Ким плей-оффга чиқиши мумкин
Португалия: Европаликлар Уругвайни мағлуб этишса, 1/8 финалга чиқади. Агар бир вақтнинг ўзида Жанубий Корея ва Гана дуранг ўйнаса, португаллар гуруҳда биринчи ўринни қўлга киритишади.
Ким муддатидан олдин плей-оффга чиқишнинг барча имкониятларини йўқотиши мумкин
Гана: африкаликлар корейсларга ютқазса, 1/8 финалга чиқиш имкониятидан маҳрум бўлишади.
Аммо Уругвай ва Жанубий Кореянинг тақдири гуруҳдаги сўнгги тур якунига кўра ҳал бўлади.
28 ноябрь куни бўлиб ўтадиган Жаҳон чемпионати ўйинлари жадвали. Барча учрашувларнинг бошланишини Тошкент вақти билан кўрсатилган.
15:00. Камерун - Сербия.
18:00. Жанубий Корея - Гана.
21:00. Бразилия - Швейцария.
00:00. Португалия - Уругвай.
