28 noyabr kuni jahon chempionati guruh bosqichining 2-turidan o‘rin olgan so‘nggi o‘yinlar bo‘lib o‘tadi. Ba’zi jamoalar pley-off bosqichiga erta chiqish imkoniyatiga ega bo‘lsa, boshqalari esa bu imkoniyatni qo‘ldan chiqarishi mumkin. Biz Qatardagi bugungi o‘yin kunida qanday voqealar bo‘lishi mumkinligini ko‘rib chiqamiz.
"G" guruhi
Kim pley-offga chiqishi mumkin
Braziliya: Besh karra jahon chempioni Shveysariyani, Kamerun esa Serbiyani mag‘lub etmasa, 1/8 final yo‘llanmasini naqd qiladi.
Shveysariya: Murat Yakin shogirdlari Braziliyani mag‘lub etsa, guruh bosqichi yakuniga bir tur qolganda pley-offga yo‘l oladi, Serbiya esa Kamerun bilan uchrashuvda uch ochko ololmasligi kerak bo‘ladi.
Kim muddatidan oldin pley-offga chiqishning barcha imkoniyatlarini yo‘qotishi mumkin
Kamerun: Afrikaliklar Serbiyaga yutqazsa pley-offga chiqa olmasligi aniq bo‘lib ulguradi.
Serbiya: Dragan Stoykovich jamoasi Kamerunga yutqazsa, 1/8 finalga chiqish imkoniyatini yo‘qotadi, bu vaziyatda Shveysariyadan ochko olishi kerak bo‘ladi.
"H" guruhi
Kim pley-offga chiqishi mumkin
Portugaliya: Yevropaliklar Urugvayni mag‘lub etishsa, 1/8 finalga chiqadi. Agar bir vaqtning o‘zida Janubiy Koreya va Gana durang o‘ynasa, portugallar guruhda birinchi o‘rinni qo‘lga kiritishadi.
Kim muddatidan oldin pley-offga chiqishning barcha imkoniyatlarini yo‘qotishi mumkin
Gana: afrikaliklar koreyslarga yutqazsa, 1/8 finalga chiqish imkoniyatidan mahrum bo‘lishadi.
Ammo Urugvay va Janubiy Koreyaning taqdiri guruhdagi so‘nggi tur yakuniga ko‘ra hal bo‘ladi.
28 noyabr kuni bo‘lib o‘tadigan Jahon chempionati o‘yinlari jadvali. Barcha uchrashuvlarning boshlanishini Toshkent vaqti bilan ko‘rsatilgan.
15:00. Kamerun - Serbiya.
18:00. Janubiy Koreya - Gana.
21:00. Braziliya - Shveysariya.
00:00. Portugaliya - Urugvay.
