"Манчестер Юнайтед" мураббийи Стив Макларен Қатарда бўлиб ўтаётган жаҳон чемпионатида ўйнаётган "Манчестер Юнайтед" ва Англия терма жамоаси ҳужумчиси Маркус Рэшфорд ҳақида гапирди.
"Тўғрисини айтсам, мен ҳеч қачон бундай тезкор ва кучли футболчини кўрмаганман. У ақл бовар қилмайдиган салоҳиятга эга", - деди Макларен.
Жорий мавсумда Рэшфорд "Манчестер Юнайтед" сафида 19 та ўйинда майдонга тушиб, 8 та гол урди ва 3 та голли узатмани амалга оширди. Жаҳон чемпионатида ҳужумчи иккита учрашувда битта гол киритди.
Англия терма жамоаси навбатдаги ўйинни 30 ноябрь куни Уэльсга қарши ўтказади. Учрашув Тошкент вақти билан соат 00:00 да бошланади.
