Қатарда бўлиб ўтаётган футбол бўйича жаҳон чемпионатининг "G" гуруҳида 2-тур баҳси бўлиб ўтди. Бразилия терма жамоаси Швейцарияга қарши майдонга чиқиб, қийинчилик билан ғалаба қозонди.

"Пентакампеонлар" баҳс тугашига 7 дақиқа қолганида чиройли комбинация ташкил қилишди. Каземиро эса рақиб жарима майдони ичида аниқ зарба билан ҳисоб очди. Мазкур гол ўйинда ягоналигича қолди.

Бразилия ушбу ғалаба туфайли ўз очколарини 6 тага етказиб, муддатидан аввал плей-офф босқичи йўлланмасини ҳал этди.

ЖЧ-2022. "G" гуруҳи, 2-тур
Бразилия – Швейцария 1:0 (0:0)
Гол: 1:0 – 83 Каземиро.
Бразилия – Алиссон, Милитао, Тиаго Силва, Маркиньос, Алекс Сандро (Теллес, 86), Каземиро, Фред (Бруно Гимараэс, 58), Лукас Пакета (Родриго, 46), Ришарлисон (Габриэл Жезус, 73), Рафинья (Антони, 73), Винисиус Жуниор.
Швейцария – Зоммер, Видмер (Фрай, 86), Эльведи, Аканджи, Родригес, Жака, Фройлер, Соу (Эбишер, 76), Варгас (Фернандеш, 59), Ридер (Штеффен, 59), Эмболо (Сеферович, 76).
Огоҳлантиришлар: Ридер (50), Фред (52).