Мадриднинг “Реал” клуби "Лейпциг" ва Германиянинг чап қанот ҳимоячиси Давид Раумга қизиқиш билдирмоқда, деб хабар беради El Mundo Deportivo.
Манбага кўра, "қироллик клуби" келаси ёзда футболчини сотиб олиш вариантини кўриб чиқмоқда. Трансфер суммаси 40 миллион евро атрофида бўлиши мумкин.
24 ёшли Раум жорий мавсумда "Лейпциг" ва Германия терма жамоаси сафида барча мусобақаларда 30 та ўйинда майдонга тушди ва 3 та голли узатмани амалга оширди. Унинг клуб билан шартномаси 2027 йилнинг ёзига қадар мўлжалланган.