Бельгия терма жамоаси футболчилар ўртасидаги келишмовчиликларни бартараф этиш мақсадида жамоанинг “инқирозли йиғилиши”ни ўтказди, деб хабар беради L'Equipe.
Манбага кўра, сўнгги пайтларда жамоада энг яхши муҳит шаклланмаган, баъзи футболчилар бир-бири билан мулоқот қилишдан бош тортишмоқда. Де Брюйне Тибо Куртуа билан, Эден Азар Леандро Троссард билан гаплашмаяпти. Ҳужумчилар Ромелу Лукаку ва Миша Батшуайи ўртасида ҳам унчалик яхши муносабатлар ривожланмаган.
Қайд этилишича, яқинда Де Брюйне, Азар ва Вертонген ўртасида катта жанжал келиб чиққан ва унга Лукаку аралашиб, уни тўхтатган.
