Belgiya terma jamoasi futbolchilar o‘rtasidagi kelishmovchiliklarni bartaraf etish maqsadida jamoaning “inqirozli yig‘ilishi”ni o‘tkazdi, deb xabar beradi L'Equipe.

Manbaga ko‘ra, so‘nggi paytlarda jamoada eng yaxshi muhit shakllanmagan, ba’zi futbolchilar bir-biri bilan muloqot qilishdan bosh tortishmoqda. De Bryuyne Tibo Kurtua bilan, Eden Azar Leandro Trossard bilan gaplashmayapti. Hujumchilar Romelu Lukaku va Misha Batshuayi o‘rtasida ham unchalik yaxshi munosabatlar rivojlanmagan.

Qayd etilishicha, yaqinda De Bryuyne, Azar va Vertongen o‘rtasida katta janjal kelib chiqqan va unga Lukaku aralashib, uni to‘xtatgan.