"Бавария" директори Оливер Кан ҳужумчи Эрик Максим Чупо-Мотингнинг жорий мавсумдаги ўйини ҳақида фикр билдирди. Эслатиб ўтамиз, ҳужумчи Юлиан Нагелсманн жамоаси сафида барча мусобақаларда 11 та гол ва 3 та голли узатмага эга.

“Чупо-Мотинг ажойиб иш қиляпти. Жаҳон чемпионатидан кейин у билан музокаралар столига ўтириб, янги шартнома бўйича келишувга эришишга ҳаракат қиламиз”, — деди Кан журналист Флориан Плеттенбергга берган интервюсида.

Ушбу Жаҳон чемпионатида Чупо-Мотинг аллақачон Сербия терма жамоаси дарвозасига гол уриб, Камерунга турнирдаги биринчи очкони келтирди.