"Барселона" ярим ҳимоячиси ва сардори Серхио Бускетс Каталония клубида қолиши мумкин, деб хабар беради Mundo Deportivo.
Манба берган хабарга кўра, "Барселона" раҳбарияти 34 ёшли футболчи билан учрашиб, янги шартнома бўйича муҳокама қилишни режалаштирган. Айни дамда Бускетс 2022/2023 йилги мавсум якунида Каталония клубини текинга тарк этмоқчи. Бироқ “Барселона” бош мураббийи Хави ҳамон футболчини жамоада сақлаб қолишни истамоқда. "Барселона" Бускетсдан камроқ маош билан янги шартнома имзолашини хоҳлайдт.
Эслатиб ўтамиз, Бускетс "Барселона"да 2005 йилдан буён ўйнаб келмоқда. У Хосеп Гвардиола қўл остида асосий жамоада дебют қилди ва Европа лигасидан ташқари клуб футболида ўзи қатнашган барча турнирларда ғалаба қозонди.
