"Челси" ҳимоячиси Марк Кукурелья "Барселона"га қайтиши мумкинлиги ҳақида гапирди.
Аввалроқ футболчи "Йилнинг энг яхши каталониялик футболчиси" совринини олганди.
“Келажакда “Барселона”га қайтишдан хурсанд бўлардим, бу яхши бўларди. Мукофот олишим учун қийин йўлдан ўтишим керак эди. Мен ҳеч қачон таслим бўлмадим ва ишлашда давом этдим ", - дейди Каталония радиоси учун интервьюсида Кукурелья.
24 ёшли ҳимоячи жорий мавсумда “Челси” сафида барча мусобақаларда 18 та ўйинда майдонга тушиб, 2 та голли узатмани амалга оширди.
Эслатиб ўтамиз, Кукурелья 2012 йилдан 2020 йилгача “Барселона” тизимида бўлган, бироқ асосий жамоа таркибида фақат битта ўйин ўтказган.
