Португалия терма жамоаси ва "ПСЖ" ҳимоячиси Нуну Мендеш жароҳати сабаб икки ойни ўтказиб юборади, дея хабар бермоқда журналист Фабрицио Романо ижтимоий тармоқларида. 20 ёшли португалиялик футболчи Жаҳон чемпионати гуруҳ босқичининг 2-турида Уругвай термасига қарши ўйинда (2:0) чап сонидан жароҳат олди.
Эслатиб ўтамиз, Португалия терма жамоаси Уругвай билан ўйинда мундиалнинг плей-офф босқичидан муддатидан олдин чиқишни таъминлади. Учрашув натижасида португаллар олти очко жамғариб, “H” гуруҳининг якка пешқадами бўлиб турибди. Энг яқин таъқибчи уч очко жамғарган Гана бўлди. Учинчи ва тўртинчи ўринларда биттадан очкога эга Жанубий Корея ва Уругвай термалари жойлашган.
Португалия терма жамоаси гуруҳ босқичининг сўнгги турида Жанубий Корея терма жамоаси билан ўйнайди. Учрашув 2 декабрь куни Тошкент вақти билан соат 20:00да бошланади.
