Portugaliya terma jamoasi va "PSJ" himoyachisi Nunu Mendesh jarohati sabab ikki oyni o‘tkazib yuboradi, deya xabar bermoqda jurnalist Fabrisio Romano ijtimoiy tarmoqlarida. 20 yoshli portugaliyalik futbolchi Jahon chempionati guruh bosqichining 2-turida Urugvay termasiga qarshi o‘yinda (2:0) chap sonidan jarohat oldi.

Eslatib o‘tamiz, Portugaliya terma jamoasi Urugvay bilan o‘yinda mundialning pley-off bosqichidan muddatidan oldin chiqishni ta’minladi. Uchrashuv natijasida portugallar olti ochko jamg‘arib, “H” guruhining yakka peshqadami bo‘lib turibdi. Eng yaqin ta’qibchi uch ochko jamg‘argan Gana bo‘ldi. Uchinchi va to‘rtinchi o‘rinlarda bittadan ochkoga ega Janubiy Koreya va Urugvay termalari joylashgan.

Portugaliya terma jamoasi guruh bosqichining so‘nggi turida Janubiy Koreya terma jamoasi bilan o‘ynaydi. Uchrashuv 2 dekabr kuni Toshkent vaqti bilan soat 20:00da boshlanadi.