Дания терма жамоаси ярим ҳимоячиси Кристиан Эриксен Австралияга қарши жаҳон чемпионати гуруҳ босқичи 3-тур учрашувидан кейин (0:1) рақиб жамоа бош мураббийи Грэм Арнолдга мурожаат қилди. Бу ҳақда Daily Mail журналисти Майк Киган хабар берди.
Манбага кўра, Австралия Данияни жаҳон чемпионатидан чиқариб юборганидан сўнг, Эриксен Арнолдни ғалаба билан табриклаган.
Эслатиб ўтамиз, турнирдаги учта учрашувда скандинавияликлар атиги бир очко қўлга киритишга муваффақ бўлишди ва Д гуруҳида сўнгги тўртинчи ўринни эгаллади.
Австралия ЖЧнинг 1/8 финалига чиқди, у ерда 3 декабрь куни жамоа Аргентина билан ўйнайди. Ўйин Тошкент вақти билан 00:00да бошланиши режалаштирилган.
