OPTA хабарига кўра, Япония терма жамоаси мундиалда иккита ўйинда бир хил ғалаба қозонган учинчи жамоа бўлди. Японлар Германия ва Испанияга қарши ўйинларда танаффусга ҳисобда ортда қолган ҳолда йўл олишди ва якунда ғалаба қозонди, деб хабар беради Opta.

1 декабрь куни японлар ЖЧ-2022 гуруҳ босқичи 3-турида Испанияни мағлуб этишди (2:1). Биринчи бўлимдан сўнг Япония 0:1 ҳисобида ортда бўлди. Биринчи турда японлар худди шу сценарий бўйича Германияни мағлуб этишди (2:1).

Шу тариқа, Япония терма жамоаси бир мундиалда бундай ғалабага икки марта эришган тарихдаги учинчи жамоа бўлди. Бразилия буни 1938 йилда ва Германия 1970 йилда амалга оширганди.

Япония Қатардаги жаҳон чемпионатининг плей-офф босқичига “E” гуруҳида биринчи ўринда (6 очко), иккинчи ўринда – Испания (4 очко) йўл олди.