Испаниянинг “Атлетико” клуби “Бенфика” дарвозабони Одиссеас Влаходимосга қизиқиш билдирмоқда. Мадрид клуби словениялик Ян Облак кетган тақдирда грециялик дарвозабонни трансфер қилишни мақсад қилган. Бу ҳақда Fichajes хабар бермоқда.
28 ёшли Влаходимос Португалия Примерасининг жорий мавсумида 13 та ўйин ўтказган бўлиб, шулардан 9 тасида гол ўтказиб юбормаган. "Бенфика" Португалия Лигасининг 2022/2023 йилги мавсумида пешқадамлик қилмоқда. Жамоа 13 учрашувдан сўнг 37 очко жамғарган.
29 ёшли Ян Облак Ла Лиганинг 12 ўйинида ва Чемпионлар Лигасининг 5 ўйинида майдонга тушган. "Атлетико" 14 турдан кейин 24 очко билан Испания чемпионати жадвалида 4-ўринда бормоқда. “Барселона” 37 очко билан пешқадамлик қилмоқда.
