Ispaniyaning “Atletiko” klubi “Benfika” darvozaboni Odisseas Vlaxodimosga qiziqish bildirmoqda. Madrid klubi sloveniyalik Yan Oblak ketgan taqdirda gresiyalik darvozabonni transfer qilishni maqsad qilgan. Bu haqda Fichajes xabar bermoqda.
28 yoshli Vlaxodimos Portugaliya Primerasining joriy mavsumida 13 ta o‘yin o‘tkazgan bo‘lib, shulardan 9 tasida gol o‘tkazib yubormagan. "Benfika" Portugaliya Ligasining 2022/2023 yilgi mavsumida peshqadamlik qilmoqda. Jamoa 13 uchrashuvdan so‘ng 37 ochko jamg‘argan.
29 yoshli Yan Oblak La Liganing 12 o‘yinida va Chempionlar Ligasining 5 o‘yinida maydonga tushgan. "Atletiko" 14 turdan keyin 24 ochko bilan Ispaniya chempionati jadvalida 4-o‘rinda bormoqda. “Barselona” 37 ochko bilan peshqadamlik qilmoqda.
