Мюнхеннинг “Бавария” клуби жаҳон чемпионатидан сўнг ҳужумчи Эрик Максим Чупо-Мотинг билан янги шартномани муҳокама қилади. Бу ҳақда ижтимоий тармоқларда журналист Кристиан Фалк хабар берди.
Эслатиб ўтамиз, Чупо-Мотингнинг Юлиан Нагелсманн жамоаси билан амалдаги шартномаси 2023 йилнинг июнида якунига етади. Клуб раҳбарияти камерунлик футболчининг "Альянц Арена"да қолиш муддатини узайтиришга қарши эмас.
Жаҳон чемпионатида Чупо-Мотинг Камерун терма жамоаси учун битта гол урди. Бугун Африка терма жамоаси плей-офф босқичига чиқа оладими ёки йўқми маълум бўлади.
