Испания терма жамоаси Японияга мағлуб бўлди (1:2), аммо бу жамоага қаттиқ таъсир қилмади. Чунки, жамоа иккинчи ўринни эгаллаб, кейинги босқичга йўл олди.
Испания терма жамоаси ҳимоячиси Сезар Аспиликуэта Испания қасддан мағлуб бўлгани ҳақидаги даъволарни рад этди.
"Иккинчи бўлимда Германия билан ўйиннинг бориши ҳақида билардим, чунки мени алмаштиришганди ва захира ўриндиғида ўтиргандим. Ўтган йилларга назар ташласангиз, биз ҳар доим гуруҳларда бор кучимизни бердик, ҳар бир учрашувда ғалаба қозонишга ҳаракат қилдик. Демак, мағлубиятдан биринчи бўлиб ўзимизнинг ҳафсаламиз пир бўлди.
Майдонда бўлганингизда бошқа ўйинда нима бўлишини назорат қила олмайсиз. Агар дуранг ёки ғалаба қозонилган тақдирда олдинга боришимизни билардик. Бу бизга боғлиқ бўлган ягона нарса эди", - деди Аспиликуэта журналистларга.
