Бугун Жаҳон чемпионати гуруҳ босқичининг "Н" гуруҳида сўнгги ўйинлари бўлиб ўтди. Жанубий Корея терма жамоаси ўйин якунида Португалия дарвозасига иккинчи голни (2:1) киритиб, иродали ғалабани қўлга киритди ва плей-офф босқичига йўл олди.

Гана – Уругвай учрашувининг иккинчи бўлимида алмаштирилган Луис Суарес таблода параллел ўйин ҳақидаги маълумот пайдо бўлгач, йиғлаб юборишига сал қолди. Суарес майдондаги шерикларига агар параллел ўйинда ҳисоб бошқа ўзгармаса, Гана терма жамоасига яна битта гол уриш кераклиги ҳақида ишора қила бошлади. Бироқ, якунда уругвайликларнинг режаси амалга ошмади ва Суарес кўз-ёшларини яширмади.