Португалия терма жамоаси ҳужумчиси Криштиану Роналду Жанубий Кореядан учралган мағлубиятдан сўнг (1:2) ўз фикрларини билдириб ўтди. Ёмон натижага қарамай, португаллар ўз гуруҳида биринчи ўринни сақлаб қолишди.
"Ҳисобимизда 9 очко бўлишини хоҳлаб, ғалаба қозонишни хоҳлагандик. Натижа ҳар доим муҳим, ҳеч ким мағлубиятни ёқтирмайди. Биринчи ўринни эгалламаслигимиз учун кичик мўъжиза рўй бериши кераклигини билардик. Лекин мен ўзимни оқламайман. Жанубий Корея яхши ўйнади. Биз сабоқ олишимиз керак, ўзимиздан сабоқ олишимиз керак", - деди Роналду ўйиндан сўнг журналистлар билан суҳбатда.
