Португалия терма жамоаси ҳужумчиси Криштиану Роналду жаҳон чемпионатларида дарвоза томон роппа-роса 100 та зарба берди.
2 декабрь куни Жанубий Корея терма жамоаси ЖЧ-2022 гуруҳ босқичининг сўнгги ўйинида Португалияни 2:1 ҳисобида мағлуб этди. Opta хабарига кўра, Роналду бу ўйинда рақиб дарвозасига зарба йўллаш бўйича ўз статистикасини юзтага етказди.
У бу кўрсаткичга эришган биринчи футболчи бўлди (1966 йилдан буён статистика юритилади). 37 ёшли португалиялик бу натижага эришиш учун 20 та ўйин ўтказиб, 8 та гол урган.
1/8 финалда жамоа Швейцария термаси билан тўқнаш келади, ўйин 5 декабрь куни бўлиб ўтади.
