Польша терма жамоаси ҳимоячиси Мэтти Кэш жамоасининг ЖЧ-2022дан чиқиб кетиши ҳақида фикр билдирди. 1/8 финал учрашувида польшаликлар Франциядан 1:3 мағлуб бўлишди.
"Мен ўз жамоам ва мамлакатимиз билан фахрланаман. Охирги икки ҳафтадан ажойиб таассуротлар олдим. Қўллаб-қувватлаганликлари учун барчага катта раҳмат", - деб пост қолдирди футболчи ўзининг ижтимоий тармоқлардаги саҳифасида.
Эслатиб ўтамиз, кечаги ўйинда Килиан Мбаппе дубль қайд этганди. Яна бир гол Оливье Жиру ва Роберт Левандовски ҳисобига ёзилди.
Франция жаҳон чемпионатининг чорак финалига йўл олди ва у ерда Сенегални мағлуб этган (3:0) Англия терма жамоаси билан учрашади.
