Англия терма жамоаси ярим ҳимоячиси Жуд Беллингем Қатарда бўлиб ўтаётган ЖЧ-2022 1/8 финалида Сенегалга қарши ўйинда (3:0) голли узатмани амалга оширди.
Ярим ҳимоячи 1966 йилдан бери (бундай статистик маълумотлар йиғила бошлаган) "Уч шерлар" тарихидаги жаҳон чемпионатларида энг ёш ассистент муаллифига айланди.
ЖЧ-2022 гуруҳ босқичида Эронга қарши ўйинда 6:2 ҳисобида зафар қучганидан сўнг, у 2000 йилдан кейин туғилиб, жаҳон чемпионатида гол урган биринчи футболчига айланди.
Англия терма жамоаси ЖЧ-2022 чорак финалида Францияга қарши майдонга тушади. Учрашув 10 декабрь, шанба куни, Тошкент вақти билан соат 23.59да бошланади.
