Бугун "Актобе" Европа лигасининг 3-саралаш босқичи доирасида "Генк"га қарши сафар ўйинини ўтказади. Кеча ўйинолди матбуот анжумани бўлиб ўтди ва актобеликлар бош мураббийи Владимир Муханов ўтган сафаргидек матбуот анжуманига Марат Бикмаевни олиб келди. Ўзбекистонлик футболчига ҳам бир нечта саволлар берилди.
— Марат, "Актобе"нинг Қозоғистон чемпионатидаги ўйинлари қолдирилди. Бундай ўйинлар олдидан сиз учун ўйин амалиёти яхшими ёки дам олган?
— Ўйлайманки, дам олиш яхшироқ. Биз бунгача етарлича ўйинлар ўтказдик. Узоқ вақт давомида бизда танаффус бўлмади. Ҳар 3 кунда ўйинларда иштирок этдик. Бу жудаям оғир. Лекин "Генк" — жиддий рақиб ва бир ҳафталик ҳордиқ бизга фойда беради, деб ўйлайман.
— Жамоадошларингиз билан суҳбатлашиб турасиз. Айтингча, жамоанинг руҳий ҳолати ва эртанги ўйинга чоғланиш қай даражада?
— Чоғланиш — юқори даражада. Чунки эртага бизни муҳим ўйин кутиб турибди. Шошма-шошарлик қилмоқчи эмасман. Барчасини эртанги ўйин кўрсатади.
