"Манчестер Юнайтед"нинг собиқ ҳужумчиси Криштиану Роналду 1 январь куни "Ан-Наср"га ўтади. Томонлар келишувга эришди, деб хабар беради Marca.

Нашрнинг ёзишича, шартнома 2,5 мавсумга тузилган. Роналду Саудия Арабистонида йилига тахминан 200 миллион евро олади.

37 ёшли португалиялик ҳужумчи «қизил иблислар» бош мураббийи Эрик тен Хагни танқид қилган шов-шувли интервьюсидан сўнг «Манчестер Юнайтед»ни тарк этганди.

Бунгача Роналду "Спортинг", "Реал Мадрид", "Ювентус" клубларида ўйнаган. У Мадрид клуби тарихидаги энг яхши тўпурар (450 та гол).

Португалия терма жамоаси билан бирга форвард ЖЧ-2022 1/8 финалида Швейцарияга қарши ўйин ўтказади. Баҳс 6 декабрь куни Тошкент вақти билан соат 23.59да бошланади.

Эслатиб ўтамиз, ўзбекистонлик вингер Жалолиддин Машарипов ҳам айнан Риёд клуби шарафини ҳимоя қилади.