Қозоғистоннинг "Актобе" клуби Европа лигаси доирасидаги баҳсни ўтказиш учун кеча Бельгияга учиб келди. "Germania" деб номланган немис авиакомпаниясига қарашли чартер рейси 5 саот деганда Льеж шаҳрига келиб қўнди. Генк шаҳрига етиб олиш учун жамоа 80 км.лик масофани автобусда босиб ўтди. Жамоада жароҳатланганлар йўқ. Фақат Александр Гейнрихни "Милсами" қарши биринчи ўйинда  олган жароҳати бироз безовта қилиши мумкин. Аммо бугун у асосий таркибда майдонга тушса керак.

Йўл давомида Марат Бикмаев "Проспорт" нашри мухбири билан суҳбатда бўлди.

— Марат, "Генк" иштирокидаги кўп ўйинларни кўрдингларми?
— Ҳа, сўнгги кунларда "Генк"нинг кўп ўйинларини томоша қилдик. Жамоа билан биргаликда рақибнинг ўйинларини таҳлил қилдик. Ўзим ҳам интернет орқали кўп видеороликларни кўрдим.

— Бу жамоа ҳақида қандай таассуротлар уйғонди?
— Европанинг ўртача даражасидаги, яхши жамоа. Уларнинг сафида яхши ҳужумчи бор ва кучли ҳимоя чизиғига эга. Яхши ўйин бўлиши керак.

— "Генк" ўйинчиларидан кимларнидир танийсизми?
— Йўқ.

— Гол уриш муҳимми ёки ўтказиб юбормаслик?
— Вазифани бундай қўйиш керак эмас. Ўз ўйинимизни ўйнашимиз ва имкон бўлса, худди молдоваликларга қарши ўйинда бўлгани каби ўзимизни кўрсатишимиз лозим. Шунда ижобий натижага эриша оламиз.

— Кўпчиликнинг фикрича, ушбу мавсумда "Актобе" Европа лигасининг гуруҳ босқичига чиқиш учун яхши имкониятга эга экан...
— Бу фикрга қўшиламан. "Генк" билан ўйнаса бўлади. Бу жамоа ўтган йили Чемпионлар лигасида ўйнаганига қарамай, уни ўтиб бўлмас тўсиқ деб ҳисоблаш нотўғри. Агар бельгияликлардан ўта олсак, плей-оффга қуръа ташлаш пайтида танланганлар орасида бўламиз. Имкониятларимиз ёмон эмас. Такрорлайман, шунчаки ўз ўйинимизни намойиш қилишимиз керак.

— Европа лигаси доирасида "Актобе"га қарши ўйинингизни эслайсизми?
— Ҳа, албатта. Ёдда қоларли қарама-қаршилик бўлганди.

— Энг ёдда қолган нарса нима бўлганди?
— Актобе мухлислари. Футболни севадиган шаҳар.