Франция терма жамоаси ҳимоячиси Рафаэль Варан жаҳон чемпионати 1/8 финалида Польшага (3:1) қарши ўйиндаги танаффус вақтида жамоалошларига айтган сўзлари ҳақида гапирди. Эслатиб ўтамиз, бу вақтга келиб “уч ранглилар” 1:0 ҳисобида олдинда бораётганди.

"Биз орзу билан яшаяпмиз, лекин агар биз худди шу руҳда давом этсак, бу орзу ҳар қандай вақтда барбод бўлиши мумкин", - деди Варан GFFN билан суҳбатда.

Сўнгги ўйиндаги ғалаба францияликларга жаҳон чемпионатининг чорак финалига йўл олиш имконини берди ва у ерда 1/8 финалда Африканинг амалдаги чемпиони Сенегални ишончли мағлуб этган (3:0) Англия терма жамоаси билан тўқнаш келади. Ушбу ўйин 11 декабрь куни бўлиб ўтади ва у Тошкент вақти билан соат 00:00да бошланади.