Португалия терма жамоаси ярим ҳимоячиси Бруну Фернандеш жаҳон чемпионати 1/8 финалида Швейцария термаси билан бўлажак ўйин ҳақида гапирди.
“Рақибимиз ким бўлиши муҳим эмас. Мақсадимиз ҳамиша бир: кейинги босқичга чиқиш. Биз Швейцарияни яхши биламиз, улар билан бир неча бор учрашганмиз. Бизда ғалабалар ва мағлубиятлар бўлди. Мақсадимиз ўтган ўйинлардан ижобий сабоқ олиб, камчиликларни тузатиш ва максимал натижага эришишдир", - дея Фернандешнинг сўзларини келтиради ФИФА расмий сайти.
Португалия терма жамоаси бугун, 6 декабрь куни Қатарда бўлиб ўтаётган жаҳон чемпионати 1/8 финали доирасидаги ўйинда Швейцарияга қарши майдонга тушади.
