Нидерландия терма жамоаси ҳимоячиси Виржил ван Дейк жаҳон чемпионати чорак финалида аргентиналик Лионель Месси билан учрашув ҳақида гапирди.

"Қийинчилик шундаки, биз ҳужум қилганимизда у бурчакда ёки шунга ўхшаш жойда дам олади. Ҳимояни ташкил этиш борасида жуда яхши бўлишингиз керак. Улар ҳар доим уни излайдилар ва бизга қарши ҳужумга ўтишимизни қийинлаштиради.

Бу ван Дейк ва Месси эмас ёки Нидерландия ва Месси ўртасидаги ўйин эмас, Нидерландия ва Аргентина ўртасидаги ўйин. Уни ҳеч ким ўз-ўзидан ёпа олмайди, биз яхши режа тузишимиз керак", - дея ван Дейк сўзларини келтиради GOAL нашри.

1/8 финалда Нидерландия АҚШни (3:1), Аргентина эса Австралияни мағлуб этди (2:1). Жамоалар ўртасидаги ўйин 9 декабрь куни бўлиб ўтади ва Тошкент вақти билан соат 23.59'да бошланади.