Таниқли британиялик журналист Пирс Морган Португалия терма жамоасининг ЖЧ-2022 1/8 финалида Швейцарияга қарши ўйиндаги ғалабаси (6:1) ҳақида фикр билдирди.
“Португалия бугун ажойиб ўйнади. Криштиану менга улар жаҳон чемпионатида ғалаба қозонишлари мумкинлигини айтди. Улар ҳақиқатан ҳам буни қила олади”, деб ёзади Морган ижтимоий тармоқда.
Роналду швейцарияликларга қарши баҳсни захирада бошлади. Унинг ўрнига илк дақиқалардан майдонга Гонсалу Рамуш тушди. У хет-трик қайд этди ва голли узатмани амалга оширди.
Чорак финалда Португалия терма жамоаси аввалроқ Испаниядан кучли эканлигини исботлаган Марокаш терма жамоаси билан учрашади. Учрашув 10 декабрь куни бўлиб ўтади.
