Англия терма жамоасининг собиқ ҳужумчиси Гари Линекер Португалия терма жамоаси ҳужумчиси Гонсало Рамушнинг ЖЧ-2022 1/8 финалида Швейцария терма жамоасига қарши (6:1) намойиш этган ўйинига ўз муносабатини билдирди.
"Агар сиз Роналдунинг ўрнини босмоқчи бўлсангиз, айнан шундай қиласиз. Рамушдан қандай гол. Сантушдан қандай сигнал", - деб пост қолдирди Линекер ижтимоий тармоқдаги саҳифасида.
Эслатиб ўтамиз, португалиялик ҳужумчи Криштиану Роналду Швейцария термаси билан ўйинда терма жамоанинг асосий таркибидан ўрин олгани йўқ. Унинг ўрнига ушбу учрашувда хет-трик қайд этган Рамуш майдонга тушди.
