Аргентина терма жамоаси ҳужумчиси Лаутаро Мартинеснинг агенти Алехандро Камачо футболчининг ЖЧ-2022да жароҳати билан ҳаракат қилаётгани ҳақида гапирди.
"Лаутарога оғриқ қолдирувчи дори бериляпти, чунки унинг тўпиғида қаттиқ оғриқ бор. У оғриқни йўқотиш учун кўп ҳаракат қилмоқда ва бу содир бўлганда, у майдонга тушади. Мартинес дунёнинг энг яхши футболчиларидан бири. У жуда кучли, аммо Саудия Арабистони билан ўйинда ҳисобланмаган голлар унинг учун оғир лаҳзалар бўлди", - дея агентнинг сўзларидан иқтибос келтиради GOAL.
Мартинес ЖЧ-2022да Аргентина терма жамоаси сафида 4 та ўйин ўтказган. 9 декабрь куни турнирнинг чорак финалида аргентиналиклар Нидерландия билан куч синашади.
