Миланнинг «Интер» клуби ҳимоячиси Дензель Дюмфрис қишки трансфер ойнасида АПЛ клубига ўтиши мумкин.
Il Corriere dello Sport хабарига кўра, Лондоннинг «Тоттенхэм» жамоаси футболчини январда сотиб олмоқчи, сўнг уни мавсум охиригача «Интер»га қайтариб жўнатиши мумкин.
Манба берган хабарга кўра, бундай келишув "нерадзуррилар"га мос келиши керак, чунки клуб раҳбарияти мавсум ўртасида асосий ўнг қанот ҳимоячисини сотиб, кейин унинг ўрнига ўринбосар изламоқчи эмас.
Эслатиб ўтамиз, аввалроқ Дюмфрисга бошқа топ-лига клублари қизиқиш билдираётгани ҳақида хабар берилганди. Бу «Манчестер Юнайтед» ва «Челси» жамоалари эди.
