Milanning «Inter» klubi himoyachisi Denzel Dyumfris qishki transfer oynasida APL klubiga o‘tishi mumkin.
Il Corriere dello Sport xabariga ko‘ra, Londonning «Tottenxem» jamoasi futbolchini yanvarda sotib olmoqchi, so‘ng uni mavsum oxirigacha «Inter»ga qaytarib jo‘natishi mumkin.
Manba bergan xabarga ko‘ra, bunday kelishuv "neradzurrilar"ga mos kelishi kerak, chunki klub rahbariyati mavsum o‘rtasida asosiy o‘ng qanot himoyachisini sotib, keyin uning o‘rniga o‘rinbosar izlamoqchi emas.
Eslatib o‘tamiz, avvalroq Dyumfrisga boshqa top-liga klublari qiziqish bildirayotgani haqida xabar berilgandi. Bu «Manchester Yunayted» va «Chelsi» jamoalari edi.
