Иккинчи давра олдидан таркибни кучайтириш мақсадида «Динамо» клуби бир қатор футболчилар билан шартнома имзолади.

Дастлаб, жамоамиз ҳимоячи Виталий Почуев, яримҳимоячи Илҳом Бойдадаев ва ҳужумчи Олим Навкаров билан шартнома имзолаган бўлса, куни кеча тажрибали яримҳимоячи Асқар Жадигеров ҳам Самарқанд клуби билан мавсум сўнггига қадар шартномага имзо чекди.

Ушбу футболчилардан Почуев ва Бойдадаев биринчи даврани «Навбаҳор» сафида ўтказишган бўлишса, Навкаров «Локомотив» сафида тўп сурганди. Асқар Жадигеров эса Таиланднинг «Бурирам Юнайтед» клубида фаолият юритганди. Олдинда жамоа таркибида яна ўзгаришлар бўлади.

Эслатиб ўтамиз, Асқар Жадигеров 2001 йилги мавсумда «Динамо» клуби сафида Олий лигадаги дебютини нишонлаганди.