Аввалроқ "Манчестер Юнайтед"да ўйнаган Мемфис Депай Англия Премьер-лигасига қайтишга яқин турибди.
Sport.es нашрининг хабарига кўра, 28 ёшли ҳужумчига Лондоннинг "Арсенал" клуби қизиқиш билдирмоқда. Премьер-лига етакчиси Депайни Қатардаги жаҳон чемпионатида жароҳат олган бразилиялик Габриэль Жезуснинг ўрнини эгаллаши мумкин деб ҳисобламоқда.
Мемфиснинг трансфер нархи 20 миллион евро. Унинг "кўк-анорранглилар" билан шартномаси 2022/2023 йилги мавсум охиригача мўлжалланган.
Ла Лиганинг жорий мавсумида нидерландиялик футболчи атиги иккита ўйин ўтказиб, битта гол урган.
