Португалия терма жамоаси ҳужумчиси Криштиану Роналду ЖЧ-2026 гуруҳ босқичи 3-туридан ўрин олган Колумбияга қарши баҳсда жаҳон чемпионатлари доирасидаги 25-учрашувини ўтказмоқда.
Шу тариқа, у ушбу кўрсаткич бўйича Германия терма жамоасининг собиқ ярим ҳимоячиси Лотар Маттеусга етиб олди. Бу ҳақда OptaJose ижтимоий тармоқдаги саҳифасида маълум қилди.
Эндиликда Роналду ва Маттеус жаҳон чемпионатлари тарихида энг кўп ўйин ўтказган футболчилар рўйхатида иккинчи ўринни бўлишиб турибди. Бу борада фақат Аргентина терма жамоаси ҳужумчиси Лионель Месси олдинда бормоқда. Унинг ҳисобида жаҳон чемпионатларида ўтказилган 28 та учрашув мавжуд.
ЖЧ-2026 мусобақасида Роналду ҳозирга қадар учта ўйинда иштирок этиб, икки марта рақиблар дарвозасини ишғол қилди.













