"Бавария" ва Германия терма жамоаси дарвозабони Мануэль Нойер ижтимоий тармоқларда оёқ суяги синганлиги сабабли жорий мавсумда ўйнашни давом эттира олмаслигини маълум қилди.
“Ҳей болалар, мен нима дейишим мумкин, йил охири албатта яхшироқ бўлиши мумкин эди... Тоғ-чанғи сафари пайтида бошимни тўғрилашга уриниб, пастки оёғимни синдириб олдим. Кечаги операция яхши ўтди. Шифокорларга катта раҳмат! Бироқ, бу мавсум мен учун якунланганини айтишим қийин. Ўзингизни асранг! Сизнинг Мануэлингиз”, деб ёзади Нойер.
36 ёшли германиялик футболчи жорий мавсумда “Бавария” сафида барча турнирлар доирасида 16 та ўйинда майдонга тушиб, 14 та гол ўтказиб юборган ва 7 марта ўз дарвозаси дахлсизлигини сақлаб қолган.
Германия терма жамоаси таркибида ЖЧ-2022да Нойер учта ўйинда қатнашиб, 5 та гол ўтказиб юборди.
