"Bavariya" va Germaniya terma jamoasi darvozaboni Manuel Noyer ijtimoiy tarmoqlarda oyoq suyagi singanligi sababli joriy mavsumda o‘ynashni davom ettira olmasligini ma’lum qildi.
“Hey bolalar, men nima deyishim mumkin, yil oxiri albatta yaxshiroq bo‘lishi mumkin edi... Tog‘-chang‘i safari paytida boshimni to‘g‘rilashga urinib, pastki oyog‘imni sindirib oldim. Kechagi operasiya yaxshi o‘tdi. Shifokorlarga katta rahmat! Biroq, bu mavsum men uchun yakunlanganini aytishim qiyin. O‘zingizni asrang! Sizning Manuelingiz”, deb yozadi Noyer.
36 yoshli germaniyalik futbolchi joriy mavsumda “Bavariya” safida barcha turnirlar doirasida 16 ta o‘yinda maydonga tushib, 14 ta gol o‘tkazib yuborgan va 7 marta o‘z darvozasi daxlsizligini saqlab qolgan.
Germaniya terma jamoasi tarkibida JCH-2022da Noyer uchta o‘yinda qatnashib, 5 ta gol o‘tkazib yubordi.
