Мюнхеннинг "Бавария" клуби Хорватия терма жамоаси ва Загребнинг "Динамо" клуби дарвозабони Доминик Ливаковичнинг трансферини муҳокама қилмади. Бу ҳақда инсайдер Кристиан Фалк ўзининг ижтимоий тармоқлари орқали хабар берди.
Аввалроқ ОАВда немис гранди оёғи синганлиги сабабли мавсум охиригача сафдан чиққан Мануэль Нойернинг ўрнига Ливаковични сотиб олмоқчи эканлиги ҳақида хабарлар тарқалган эди.
Жорий мавсумда Доминик “Динамо” сафида 28 та ўйинда қатнашиб, ўз дарвозасидан 35 та гол ўтказиб юборди ва 4 марта ўз дарвозаси дахлсизлигини сақлаб қолди.
Айни дамда дарвозабон Хорватия терма жамоаси сафида ЖЧ-2022да ўйнамоқда.У терма жамоага жаҳон чемпионатида иккита серияда ғалаба қозонишига ёрдам берди.
